Hönnun og umbreyting þjón­ustu

Innan borg­ar­innar er starf­rækt sérstök Verk­efna­stofa Þjón­ustu­hönn­unar. Hennar stærstu verk­efni eru innleiðing á þjón­ustu­stefnu borg­ar­innar, kennsla, ráðgjöf, hugmynda­vinna og aðstoð við þróun staf­rænna lausna. Verk­efna­stofan starfar þvert á borgina og störf hennar aðlagast þörfum hvers verk­efnis fyrir sig. Tilgangur stof­unnar er skýr: að setja notandann alltaf í fyrsta sæti og gera alla þjón­ustu borg­ar­innar aðgengi­lega, skilj­an­lega og einfalda.

Gróð­ur­húsið er vinnu­stofa í þjón­ustu­hönnun á vegum Reykja­vík­ur­borgar. Mark­miðið er að innleiða þjón­ustu­stefnu borg­ar­innar þvert á svið og stofn­anir með því að kenna starfs­fólki að beita notenda­mið­aðri hugsun og nýsköpun í sínum daglegu störfum. Á námskeiðinu er farið yfir helstu áherslur, ferla og verk­færi aðferða­fræði þjón­ustu­hönn­unar og hvernig hún nýtist starfs­fólki beint í sinni. Starfs­fólk sækir um með það í huga að vinna að lausn fyrir ákveðna áskorun eða verk­efni. Næstu vikurnar fá þau svo aðstoð við að nálgast verk­efnið út frá hugmynda­fræði þjón­ustu­hönn­unar, búa til frum­gerð að lausn og koma henni í próf­anir. Að námskeiðinu loknu ættu allir þátt­tak­endur að hafa lært grunninn í þjón­ustu­hönnun og vera betur í stakk búin að nýta sér verk­færi hennar við úrlausn verk­efna.